தமிழ்

  Dr Kannabiran Ravishankar KRS 'இலக்கணம்' என்ற சொல்லே சமஸ்கிருதத்தில் இருந்து வந்தது என்று சிலர் கூறுவதைப் பற்றி உங்கள் கருத்து என்ன? இலக்கணம் என்பது தமிழ்ச் சொல் தான். வியாகரணம்/व्याकरण என்பது தான் சம்ஸ்கிருதச் சொல். Grammar என்ற பொருளில், வியாகரணம் என்ற சொல் மட்டுமே சம்ஸ்கிருத பாஷையில் பரவல். சப்த வித்யா/शब्दविद्या என்றும், காத்யாயனம்/कात्यायन என்றும் சில இடங்களில் அழைக்கப்பெறும். ஆனால் லக்ஷணம் என்று எங்கும், Grammar-ஐ, சம்ஸ்கிருத நூல்களே விளித்தது கிடையாது! லக்ஷணம் என்ற சம்ஸ்கிருதச் சொல் தான், கிரந்தம் நீக்கி லக்கணம் ஆகி, இலக்கணம் ஆயிற்று என்று சிலர் முட்டாள்தனமாகக் கூறுவர். லக்ஷ்மி என்பது, தமிழில் இலக்குமி ஆவதில்லையா? அது போல லக்ஷணம் என்பதே இலக்கணம் ஆகியது என்று, ஓர் ஆய்வும் இன்றி, சம்ஸ்கிருத பாஷையும் அறியாமல், தாங்களாகவே சொல்லிக் கொள்கிறார்கள். ஊர்ப்புறத்திலே ஒரு பழமொழி சொல்லுவார்கள்: குதிரைக்குக் குர்ரம் என்றால் யானைக்கு யர்ரமா? அது போல் உள்ளது, இவர்களின் பிரஸ்தாபம். ஒருவரைக் கூறும் பன்மைக் கிளவியும் ஒன்றனைக் கூறும் பன்மைக் கிளவியும் வழக்கி னாகிய உயர்சொல் கிளவி "இலக...